21, 22, 28 і 29 сакавіка Дукорскі маёнтак запрашае на зборную анімацыйную экскурсію «Гуканне вясны». Гасцей чакае яркае свята з апусканнем у традыцыі і абрады продкаў.
У праграме — урачыстая сустрэча і абрад гукання вясны, батлейка, вясновая віктарына, майстар-клас па стварэнні абрадавай птушачкі, карагоды і народныя гульні. Таксама запланавана катанне на коннай брычцы.
Пачатак праграмы: у 14:30.
На працягу дня можна самастойна наведаць лакацыі маёнтка: перавернуты дом, браму XIX стагоддзя, музей, рамесныя майстэрні, сярэднявечны горад, заасад, выставу рэтрааўтамабіляў і Дуб жаданняў. У 12:00 і 15:00 пройдуць класічныя экскурсіі па музеі гісторыі сядзібы і вуліцы майстроў.
БІЛЕТЫ:Анлайн-білет "Гуканне вясны" (стандартны білет + анімацыйная экскурсія "Гуканне вясны")
Білеты на экскурсію "Гуканне вясны" - выключна анлайн, на BezKassira.by
- 40 рублёў з чалавека (колькасць абмежаваная).
Стандартны білет (без наведвання экскурсіі "Гуканне вясны"):
Стандартныя білеты набываюцца на касе ў дзень мерапрыемства.
- Дарослыя - 30 рублёў;
- Дзеці 7-17 гадоў - 15 рублёў;
- Дзеці да 7 год, імяніннікі, дзеці з інваліднасцю, суправаджаючыя дзяцей з інваліднасцю 3-4 ступені, дарослыя з інваліднасцю 1-2 груп, ветэраны ВАВ, героі СССР і Беларусі - бясплатна.
ДЛЯ АРГАНІЗАВАНЫХ ГРУП (20+ ЧАЛАВЕК) магчыма асобная замова экскурсіі ў перыяд з 17.03 па 29.03.
Папярэдні запіс групы абавязковы!
Даведкі і бронь: +375(44)707-77-64; +375(33)357-77-64.