«Спас – усяму час» у Суле

22 і 23 жніўня парк гісторыі «Сула» запрашае на свята, прысвечанае беларускім традыцыям трох Спасаў.

Народная прыказка кажа:
«Першы Спас – на мёдзе стаіць. Другі Спас – яблыкі ядуць. Трэці Спас – гарэхі збіраюць ды хлеб выпякаюць».

Госці змогуць даведацца, як узніклі гэтыя святы, чаму яны так называюцца, а таксама пазнаёміцца з народнымі звычаямі, абрадамі і прыкметамі.

У праграме:

• частаванне ад кухмістраў Сулы;
• дэгустацыя сульскага мёду;
• лекцыі ад сапраўднага пчаляра Дзмітрыя Рахматуліна;
• выступленні музыкаў.

Акрамя святочнай праграмы, у кошт уваходнага білета ўваходзіць наведванне больш за 30 інтэрактыўных пляцовак парка. Для ўсіх гасцей таксама будуць арганізаваны катанне на брычцы і дракару (пры спрыяльных умовах надвор'я).

Папярэдні запіс не патрабуецца.