3 і 4 кастрычніка ў парку «Сула» пройдзе святочная праграма да Дня настаўніка.
З 14:00 да 17:00 на Кірмашовай плошчы гасцей чакаюць:– частаванне крупнікам і гарбатай;
– тэматычныя аповеды і віктарыны;
– конкурсы і іншыя забавы.
Акрамя таго, з 10:00 да 17:30 можна будзе наведаць больш за 30 інтэрактыўных кропак, пакатацца на брычцы і дракаре – апошняе пры спрыяльным надвор’і.
Кошт уваходных квіткоў:
дарослыя – 45 рублёў;
дзеці 7–17 гадоў – 25 рублёў.
Дарослым падпісчыкам сацыяльных сетак парку прадугледжана зніжка 5 рублёў.
На тэрыторыі таксама працуе рэстаран «Пан Старкі», дзе можна пакаштаваць стравы старадаўняй беларускай кухні, а таксама гатэлі для тых, хто захоча застацца на ноч.
Даведкі: +375 29 613 77 01.