Беларуская нематэрыяльная культурная спадчына — гэта не музейныя экспанаты пад шклом, а жывыя традыцыі, якія перадаюцца ад пакалення да пакалення: песні і абрады, рамёствы, святы, веды і навыкі. 14 і 15 лістапада Парку гісторыі «Сула» запрашае на лакацыі, прысвечаныя тэме «Нематэрыяльныя скарбы Беларусі».
Гэта магчымасць пазнаёміцца з традыцыйнай культурай краіны праз інтэрактыўныя сустрэчы, дэманстрацыі і размовы з майстрамі. Парк размешчаны ў 49 км ад Мінска і ўяўляе сабой інтэрактыўную прастору, дзе гісторыя Беларусі прадстаўлена ад эпохі каменнага веку да сядзібнай культуры XIX–XX стагоддзяў.
Чаго чакаць?
- У Хаце беларускіх рамёстваў пройдуць лекцыі-дэманстрацыі, прысвечаныя саломцы — віду мастацтва, уключанаму ў спіс сусветнай спадчыны ЮНЕСКА, і маляванцы — асаблівай форме народнага мастацтва, дзе выявы на палатне перадаюць сэнс і расказ.
- У Бортнікавай хаце раскажуць пра традыцыі бортніцтва і старажытныя веды пра пчалярства.
- 14 лістапада, у Міжнародны дзень каваля, на Кузні адбудзецца інтэрактыўная лекцыя-дэманстрацыя «Сакрэты і міфы кавальскай справы».
- Кузніца з’яўляецца адной з лакацый парку, дзе наведвальнікі могуць пазнаёміцца з традыцыямі рамёстваў і гістарычнымі рэканструкцыямі.
Ведаеш гісторыю Радзімы — пільнуеш Беларусь.
