«Калядная крама» – самы вялікі ў Беларусі магазін разнастайных аздобаў і аксэсуараў для зімовых свят. Тут вы знойдзеце тавары беларускіх майстроў, якія зроблены з любоўю. Напрыклад, шары выдзімаюць ртом і дэкаруюць уручную – у гэтым годзе падрыхтавалі каля 50 тысяч разнастайных аздобаў. Пры краме працуе свая мануфактура Kaliady. Вы нават можаце самі паназіраць за цікавым працэсам роспісі калядных аздобаў праз празрыстыя шкляныя дзверы ў гандлёвай зале.
«Калядная крама» – гэта таксама і брэнд, місія якога ствараць сучасныя святочныя сямейныя традыцыі праз багатае гістарычнае мінулае. Памятаеце, як святкавалі Каляды нашы продкі? Шумна, са спевамі-пажаданнямі шчасця, радасці, дабрабыта, якія аб’ядноўвалі ўсю сям’ю, са святочнымі стравамі за сталом, з вяселымі гульнямі з удзелам фальклорных персанажаў. Дзед і Баба, Каза, Нячысцік, Калядоўшчыкі, традыцыйныя беларускія пачастункі – такія выявы ў цікавым сучасным прачытанні вы знойдзеце ў адной з галоўных калекцый «Каляднай крамы».
Саламяныя аздобы ручной работы – сапраўдны гонар брэнда Kaliady. Гэта ўнікальны аўтарскі дызайн, натхнены фальклорнымі матывамі. Майстроў, якія валодаюць саломапляценнем зараз зусім няшмат, а само рамяство UNESCO прызнала сусветнай нематэрыяльнай спадчынай.
Таму, калі вы ў пошуках эксклюзіўных падарункаў, ведайце, дзе іх знайсці.
На ўваходзе ў краму вас сустрэне вялікая, неверагоднай прыгажосці, інсталяцыя – Калядная вёска. Адразу папярэджваем: назіраць за тым, што ў ёй адбываецца, можна нават некалькі гадзін запар. У вокнах заснежаных шале ў Каляднай вёсцы прывабна свецяць цёплыя агеньчыкі, лыжнікі катаюцца на фунікулеры ўгору і назад, казачны цягнік выконвае свой маршрут, на плошчы шчаслівых дзяцей кружаць каруселі, а святочна аздобленая ялінка чакае гасцей.
Калядная вёска ўжо стала прыемнай традыцыяй у краме. Яна з’яўляецца тут напярэдадні зімовых свят на працягу 5 гадоў. Каманда «Каляднай крамы» збірае яе штогод самастойна. І вы таксама можаце паспрабаваць зрабіць сваю святочную вёсачку дома. На вітрынах ёсць усё неабходнае: ад набораў з разнастайнымі будынкамі з дэкарацыямі накшталт гор да такіх асобных мелкіх дэталяў, як вулічныя ліхтары ці дрэвы і г.д. Збор Каляднай вёскі вельмі цікавы і захапляльны працэс, які аб’ядноўвае за адной справай людзей рознага ўзросту і інтарэсаў. Гэта сваеасаблівая медытацыя для дарослых і вельмы цікавая пазнавальная гульня для дзяцей.
Увогуле ў «Каляднай краме» па-сямейнаму ўтульна. Тут бясплатна можна сагрэцца кубачкам смачнейшага безалкагольнага глінтвейна. Кубкі незвычайныя – кожны год у іх новы непаўторны дызайн. За карыстанне такім посудам трэба ўнесці залог 15 руб. Пасля вы можаце вярнуць грошы, альбо пакінуць кубачак сабе.
Дарэчы, для калядных інсталяцый у краме таксама ёсць і батлейкі, якія карыстаюцца вякікай папулярнасцю сярод пакупнікоў. Стайня, Ісус-немаўлятка, Марыя і Іосіф – напрыклад, такі набор вы можаце сабраць для аздаблення свайго дома, а потым штогод дапаўняць кампазіцыю фігуркамі іншых персанажаў. Так яшчэ на адну прыгожую традыцыю ў вашай сям’і стане больш.
У «Каляднай краме», акрамя асабістага брэнда, прадстаўлены лепшыя тавары з розных мануфактур амаль што з ўсіх краін Еўропы. І калі вам здаецца, што ялінкавыя аздобы – гэта толькі шары з агеньчыкамі, рыхтуйцеся развітацца са сваімі перакананнямі назаўсёды.
Безумоўна, у краме ёсць вялікая класічная калекцыя, а таксама папулярная бела-сіняя «палярная», якая ўключае лясную тэматыку. А далей пачынаецца нешта неверагоднае: пекныя балярыны ў бліскучым адзенні, вытанчаныя птушкі з хвастамі з сапраўднага пер’я, бакалы, поўныя шампанскім, бутэлечкі з разнастайнымі святочнымі напоямі, аппетытныя бургеры, слоікі з ікрой і другімі прысмакамі.
Тут ёсць калекцыі і для меламанаў з выявамі міравых зорак, і для аматараў вясёлкавых адзінарогаў, і нават для фанатаў Гары Потэра. А яшчэ – цікавая тэма беларускіх гарадоў і мілая серыя з вдомымі беларусамі-коцікамі. Але гэта далёка не ўсе. Расказваць пра аздобы з «Каляднай крамы» можна велмі доўга, таму, як кажуць, лепей адзін раз убачыць.
Каляды немагчыма ўявіць без ялінкі. У краме на выбар прапануюць некалькі варыянтаў. Гэта розныя сучасныя мадэлі штучных ялінак premium класу, якія знешне цяжка адрозніць ад жывых. Тут жа можна падабраць і прыгожую пляцёную «спаднічку» пад ножку дрэва – складную, альбо цэльнай канструкцыі.
Не забывайце і пра агеньчыкі – гэта таксама важная частка каляднай атмасферы. Да таго ж, на ўсе базавыя LED гірлянды Luca ўвесь сезон зніжка 20%! Акрамя гэтага ў «Каляднай краме» шырокі выбар свечак, як класічных воскавых, так і трэндавых электрычных.
Побач знаходзіцца аддзел каляднай фларыстыкі, дзе можна асобна набыць ялінкавыя вянкі і ўсе, што спатрэбіцца, каб зрабіць іх самастойна, і аддзел дамашняга дэкора з тэматычным посудам, святочным убранствам для стала і іншымі рэчамі для стварэння ўтульнасці і прыгажосці.
Калі вам раптам захацелася скупіць у «Каляднай краме» ўсе і адразу, есць прыемная навіна: з 24 снежня тут пачне дзейнічаць зніжка 40% амаль што на ўсё. Але паспяшайцеся, таму што непаўторныя калядныя аздобы разбіраюць вельмі хутка.
г. Мінск, вул. Кальцова, 32
+375 44 540-05-90
Instagram: @xmas.by
