Ці можа стацца, што вы а ні разу не былі ў «Дукорскім маёнтку»? Тады сцісла раскажам. Гэта ўнікальны этнакультурны комплекс, у якім удала спалучаюцца традыцыі мінулага і сучасная інфраструктура для разнастайнага адпачынку і забаў. Так, вы можаце прыехаць сюды як у музейны комплекс і даведацца, як раней жыла шляхта; можаце арэндаваць дом разам з лазняй на кампанію для адпачынку; можаце зладзіць тут юбілей ці арганізаваць тымбілдынг з каманднымі гульнямі ды квэстамі.
Але ў першую чаргу, «Дукорскі маёнтак» вядомы, як сярод беларусаў, так і сярод замежных турыстаў, сваімі неверагоднымі традыцыйнымі беларускімі святамі і тэматычнымі мерапрыемствамі з поўным пагружэннем у атмасферу даўніны, з касцюмамі, дэкарацыямі, абрадамі ды рытуаламі, а таксама сцэнарамі ў адпаведнасці з мінулай эпохай.
Багач, Купалле, Задора, Масленіца, дні сярэднявечнай культуры – ніводнага сезона без свят. Але адным з самых яскравых і даўгачаканых з’яўляюцца Каляды з удзелам Казы, Бабы і Дзеда, а таксама Чорта, які чыніць усялякія смешныя казусы ды прыгоды. Дарэчы, у «Дукорскім маёнтку» ёсць батлейка, і ў калядную пару тут можна паглядзець п’есу пра цара Ірада і немаўля Ісуса.
Паспрабуйце хоць раз наведаць калядную экскурсію ў «Дукорскім маёнтку», і верагодна, яна стане вашай асабістай штогадовай традыцыяй, без якой ужо немагчыма адчуванне свята.
Па-першае, экскурсіі праходзяць як для дзяцей, так і для дарослых (групы могуць быць і змяшанымі): шматузроўневы гумар, актыўнасці, якія разварушаць кожнага, цікавы сюжэт, прыемныя сюрпрызы і падарункі. Па-другое, вы можаце адправіцца на экскурсію як у складзе групы, так і ў якасці індывідуальнага наведвальніка ў пэўныя даты
Вас чакае цудоўны калядны адпачынак згодна старадаўнім беларускім традыцыям з разнастайнымі забавамі, цікавымі гульнямі і батлейкай. Удзельнікі экскурсіі разам з ужо знаёмымі каляднымі героямі – Дзедам, Бабай, Казой і Нячысцікам сапраўды павяселяцца і навучацца калядаваць так, як калядавалі нашыя продкі! А напрыканцы праграмы, вядома, ніхто не застанецца без падарункаў ды падарожжа на санях ці брычцы!
У вольны час у вас будзе магчымасць наведаць перакулены дом, рамесныя майстэрні (ганчарню, майстэрню саломапляцення, васковых свечак ды кузню), браму, стайню, заасад, 400-гадовы дуб, выставу рэтра-аўтамабіляў, сярэднявечнае гарадзішча. Падрабязней пра ўсе мясцовыя славутасці можна пачытаць тут.
Шукайце не менш чым за 20 аднадумцаў (чаму б, напрыклад, не прапанаваць калегам прайсці разам вясёлыя калядныя прыгоды?) і браніруйце экскурсію па нумарах, якія мы пакінем у канцы матэрыялу.
З дзецьмі ўсё прасцей – напішыце ў бацькоўскі чат і збірайце цэлы клас!
Кошт дзіцячай праграмы на 1 чалавека – 25 руб., для дарослых – 30 руб.
Ёсць магчымасць зрабіць увесь працэс больш камфортным і замовіць транспарт. Кошт абмяркоўваецца асобна.
Усе госці «Дукорскага маёнтка» ў перыяд калядных святаў па выходных з 16 па 30 снежня, а таксама па выходных з 2 па 14 студзеня атрымаюць магчымасць трапіць на святочную экскурсію па кошце ўваходнага квітка:
Забраніраваць экскурсію для групы і задаць пытанні можна па тэлефонах:
+375 44 707 77 64
+375 33 357 77 64
Сачыце за абнаўленнямі ў Інстаграме @dukorski_maentak альбо на сайце комплексу, каб даведвацца першымі пра ўсе навіны «Дукорскага маёнтка».
