Падарожжа з Я. Малішэўскім: «Вілейскій карункі»

Продолжительность: 1 день

Расстояние: 270 км

Наличие автомобиля: обязательно

Альковічы — Камена — Касута — Вілейка — Касцяневічы — Княгінін — Крывічы — Ваўкалата — Сітцы

Описание

Альковічы

Знаёмства з Вілейшчынай пачынаецца з вёскі Альковічы, дзе падарожнікаў сустракае галоўная тамтэйшая дамінанта – стромкі спічак касцёла Адведзінаў Найсвяцейшай Панны Марыі. З'явіўся гэты неагатычны храм у пачатку 20 стагоддзя і за апошнія сто гадоў паспеў ператварыцца ў збожжасховішча, пацярпець ад пажару і зноў вярнуцца да людзей у якасці бажніцы, дзе прысутнічаюць прыкметы неаготыкі.

Камена

На правым беразе Віліі месціцца старажытная вёска Камена. На падворку сялянскай сядзібы, знаходзіцца галоўная славутасць сяла – Варацішын крыж, альбо Камень-звон. Менавіта гэтак называюць гэты вялізны валун. Самае цікавае ў гэтым помніку прыроды, выбітыя на ім крыж і словы, што дазваляе залічаць многім навукоўцам яго ў лік знакамітых Барысавых камянёў, надпісы на якіх з'явіліся яшчэ ў 12 стагоддзі. А непадалёк ёсць помнік экспэдыцыі руплівага даследніка гэтай зямлі, графа Тышкевіча.

Касута

Перад падарожнікамі адкрываецца велічная панарама прыгожага найбуйнейшага рукатворнага вадаёма нашае краіны – Вілейскага вадасховішча. У вёсцы Касута ля муроў тутэйшых бажніцаў пабачым помны знак, прысвечаны выбітнаму дзяржаўнаму дзеяў Украіны, гетману і аўтару яе першай Канстытуцыі Піліпу Орліку.

Касцяневічы

Пасля абеду ў горадзе Вілейцы, вандроўнікі праяжджаюць праз вёску Касцяневічы. Мясцовы касцёл памятае багата цікавага, у тым ліку і ахрышчаных тут Ігнація Ходзьку і Эдварда Жалігоўскага.

Княгінін

Упершыню вёска Княгінін, некалі – Княгінь, згадваецца яшчэ ў 15 стагоддзі. У 1772 годзе тут збудавалі драўляную ўніяцкую царкву святой Тройцы, якая захавалася да нашых дзён на колішнім рынкавым пляцы, захаваўшы збольшага і выгляд тых часоў. Падчас Першай сусветнай вайны ў Княгігіне знаходзіўся вайсковы шпіталь. На тутэйшых могілках пахаваныя каля двух з паловай тысячаў жаўнераў расійскай арміі, што загінулі падчас Нарачанскай вайсковай аперацыі 1916 года.

Крывічы

Назва мястэчка Крывічы нагадвае пра тыя далёкія часы, калі славяне засялялі гэтыя, тады балцкія абшары. А колькі славутых імёнаў знітаваных з Крывічамі. Аднаму з гэтых знаных асобаў – Яну Ходзьку нават усталяваны помнік ў алтары тутэйшага касцёла святога Андрэя. У Крывічах можна пабачыць і местачковую забудову, і фрагменты сядзібы Швыкоўскіх, і Траецкую царкву ў псеўдарускім стылі.

Ваўкалата

Дарога прыводзіць вандроўнікаў на Віцебшчыну. Тут, на тэрыторыі Докшыцкага раёну, ён трапляе ў мястэчка пад знакавай для Беларусі назвай – Ваўкалата. Пра ваўкалакаў – адных з найбольш каларытных персанажаў беларускага фальклору ў нас апавядаюць казкі і паданні. Таксама тутака ёсць неабарокавы касцёл Яна Хрысціцеля. Сцены храма, складзеныя з камяняў – сапраўдная мазаіка, дзе ніводзін фрагмент не паўтараецца.

Сітцы

Сітцы альбо Вялікія Сітцы – апошняя кропка падарожжа. Саковічы, Радзівілы, Хадкевічы, Брастоўскія — і гэта яшчэ няпоўны спіс колішніх уладальнікаў. Існаваў тут ў 17 стагоддзі і невялікі замак. На змену згарэламу палацу, ад якога сёння захаваліся велічныя калоны, знакаміты род Дамейкаў ўзводзіць новы палацава-паркавы комплекс. Захаваўся ён фрагмэнтарна. Ацалела тут і царква святога Юрыя, што з'явілася тут напачатку 20 стагоддзя.

Вы можете отправиться на экскурсию самостоятельно или обратиться к туроператору «Виаполь».