21 лютага Беларусь адзначае Дзень Роднай мовы — свята, якое ўжо даўно выйшла за межы школьных кабінетаў і ператварылася ў маштабны культурны фестываль. У гэты дзень можна не толькі праверыць сваю пісьменнасць, але і адкрыць для сябе новыя старонкі гісторыі, літаратуры і мастацтва.
Рэспубліканская дыктоўка: вяртаемся да ручкі і паперы
Традыцыйная Рэспубліканская дыктоўка па беларускай мове зноў збярэ ўсіх ахвотных успомніць, як гэта — пісаць не ў смартфоне, а ад рукі. У Мінску 20 лютага з 13:00 да 14:00 з Цэнтральнай бібліятэкі імя Якуба Коласа Нацыянальнай акадэміі навук Беларусі будзе арганізавана анлайн-трансляцыя на YouTube-канале Інстытута мовазнаўства імя Якуба Коласа, а таксама ў эфіры канала «Культура» Беларускае радыё.
Гродна: музейная дыктоўка ў сценах замка
У Гродне 20 лютага ў чытацкай зале Новага замка адбудзецца музейная дыктоўка (пачатак у 11:00). Гэта сапраўдны інтэлектуальны выклік у фармаце тэстаў і пытанняў пра гісторыю і культуру. Колькасць месцаў абмежаваная, таму патрэбны папярэдні запіс.
Мір: экскурсія са зніжкай
Мірскі замак традыцыйна далучаецца да святкавання. 21 лютага тут адбудзецца экскурсія «Уладальнікі Мірскага замка» са зніжкай 25%. Пачатак у 10:00 — выдатная нагода сумясціць культурны адпачынак і моўнае натхненне.
Мінск: квіз, спектакль і літаратурны квэст
Дзяржаўны музей гісторыі беларускай літаратуры падрыхтаваў цэлую серыю падзей для аматараў слова:
-
18 лютага, 19:00 — літаратурны квіз «Магія слоў незвычайных» (для каманд ад 3 чалавек);
-
19 лютага, 19:00 — спектакль «Валодзя» ў выкананні Народны літаратурны тэатр «Жывое слова»;
-
21 лютага, 15:00 — квэст «Літаратурная экспедыцыя».
Дзень Роднай мовы — гэта не толькі пра граматыку. Гэта пра памяць, ідэнтычнасць і натхненне. Магчыма, менавіта 21 лютага стане тым днём, калі вы зноў напішаце некалькі радкоў па-беларуску і адчуеце, як цёпла адгукаецца роднае слова.
